Shkolla fillore 'Zenel Hajdini' në Fortesë të Drenasit është ndoshta njëra ndër shkollat më të reja të Drenicës. Ndodhet në qendër të fshatit, jo fort larg rrugës së asfaltuar. Gjëja e parë që të bie në sy në këtë shkollë është pastërtia. Për nga jashtë nuk dallon shumë nga shtëpitë e zakonshme. është dykatëshe dhe ka një infrastrukturë të kënaqshme. Klasët janë të rregulluara mirë dhe mirëmbahen poashtu mirë. Pasiqë është e re, i mungojnë ende objektet përcjellëse. Nuk ka ndonjë rrethojë që ia vlen të përmendet dhe as fushë të sportit për nxënësit. Por çka vlen të theksohet është se përshtypjet e para për këtë shkollë janë të mira. Duket se kjo shkollë do të kultivoj nxënës që mësuesit e tyre do të mburren me ta.